Niegadat go leat fárus ovddideame ja bargame Sámi ja Davvi-Norgga artisttaiguin? Mii fállat erenoamáš ja hárvenaš vejolašvuođa leat mielde lokteme sámi ja Davvi-Norgga artisttaid Davvi-Norgga stuorámus artistajođihanfitnodaga ja agentuvrra fárus.
Artistajođihanfitnodat Hedline lea Davvi-Norgga áidna fitnodagain dán fidnosuorggis, mii bargá ovdánahttit ja ovddidit Davvi-Norgga ja sámi čuojahanjoavkkuid ja artisttaid riikkaoasis. Fitnodaga eaiggáduššá ideála searvi Alta Live 365, mii maiddái lágida Alta Live-festivála.
Mii ohcat árjjalaš ja iešheanalaš olbmo gii niegada bargat musihkkasuorggis, ja geas lea buolli beroštupmi ovddidit riikkaoasi ja Sámi gelddolaččamus artisttaid. Kandidáhtta berre máhttit dárogiela dahje ruoŧagiela, sámegiela ja eŋgelasgiela lassin.
Ohccis galggašii leat praktihkalaš bargohárjáneapmi ovtta dahje máŋgga musihkkasuorggis, eandalii live-suorggis. Mii lágidit buot oahpahusa maid dárbbašat, ja sávašeimmet gávdnat soapmása gii ovdánivččii rolla mielde, ja gii nákce hukset sierra fierpmádagaid ja oktavuođaid minguin ovttas.
Bargorolla min luhtte lea guovttesuorat, oassi barggus mielddisbuktá doaibmat prošeaktajođiheaddjin ovtta min stuora áŋgiruššansurggiin, namalassii taleantaprográmma maid mii čađahit ovttasbarggus Sámi Grand Prixain. Nubbi oassi mielddisbuktá lagas barggu fitnodaga artisttaiguin, earret eará booket ja čađahit konseartalágidemiid.
Virgi lea rievtti mielde 100 %, muhto mii leat rahpasat sihke digaštallat virggi sturrodaga ja árvvoštallat juohkit virggi guovtti oassái, ja virgádit guokte olbmo unniduvvon proseantavirggis.
Ohcanáigi: farggamusat
Álgin: Šiehtadusa mielde
Virgešládja: 80-100% prošeaktavirgi, ja lea vejolašvuohta virgáduvvot fásta virgái.
Kantuvrabáiki: Áltá
Mii fállat:
- Gelddolaš virggi ja máŋggabealat árgabeaivvi man ieš beasat leat mielde hábmeme
- Hutkkálaš bargobirrasa ja smáđáhkes bargoustibiid
- Heivehanmuni virgeproseantta ja bargobáikki dáfus jus virgi juhkkojuvvo guovtti oassái
- Bálkká šiehtadusa mielde
Barggut
- Ekonomiijadoaimmat ovttas beaivválaš jođiheddjiin ja klieanttaiguin
- Ráhkadit ja čađahit prošeavttaid ja doaimmaid Hedline bealis ja Hedline klieanttaid ovddas
- Čállit ohcamiid doarjagiid/almmolaš ruhtadeami oktavuođas ja raporteret daid birra
- Leahkit olámuttus Alta Live 365 doaimmaid oktavuođas nugo omd. Alta Live-festiválas
- Ohcat ođđa márkaniid ja háhkat oktavuođaid nationálalaččat ja riikkaidgaskasaččat dainna áigumušain ahte loktet fitnodaga doaimmaid
- Ferte rehkenastit veaháš mátkkošteami ja stuora bargonoađi muhtomin
- Eará hálddahuslaš doaimmat
Sávahahtti gelbbolašvuohta:
- Relevánta bargohárjáneapmi kultursuorggis dahje eará hutkás ealáhusas
- Čielggas, struktuvrralaš ja iešheanalaš bargonávccat
- Ipmárdus ja áddejupmi ekonomiijastivremis
- Buorit njálmmálaš ja čálalaš ovdanbuktinnávccat
- Áŋgir ja árjjalaš
- Buorit sosiála gálggat
- Buorit ovdanbuktinnávccat eŋgelasgillii, sihke njálmmálaččat ja čálalaččat
- Buorit ovdanbuktinnávccat sámegilli lea čielga ovdamunnin
Máŋggabealatvuohta
Alta Live / Hedline atnet máŋggabealatvuođa árvvus. Iešguđetlágan áddejumit, máhtut, perspektiivvat ja vásáhusat mielddisbuktet gelddolaš musihkkaeallima. Mii ávžžuhit buot gelbbolaš kandidáhtaid ohcat, beroškeahttá agis, sohkabealis, doaimmashehttejumis, ja nationála dahje čearddalaš duogážis.
Gažaldagat?
Jus du mielas orru miellagiddevaš bargu, muhto imaštalat juoidá virggi dahje almmuhusa birra, de ávžžuhit du váldit oktavuođa beaivválaš jođiheddjiin, Torgeir Ekeland: 993 85 751 / torgeir@hedline.no
Fitnodaga birra:
Hedline AS lea artistajođihan-/booking-fitnodat Álttás. Lea ideála searvi Alta Live 365 mii ollásit eaiggáduššá fitnodaga, ja mis leat dál golbma bargi oktiibuot 2,6-jahkedoaimmas maid fitnodat juogada eaiggátfitnodagain.
Hedline lea áidna dan lágan fitnodat davvin ja bargá dál 15 čuojahanjoavkkuin ja artisttain Nordlánddas, Romssas ja Finnmárkkus, ja min artistačoahkis leat sihke ođđa ja hárjánan joavkkut ja artisttat main lea riikkaidgaskasaš, nationála ja guvllolaš doaibmaguovlu. Dasa lassin lea taleantaprográmma álggahuvvome; Prográmma lea ruhtaduvvon Talent Norge ja Seastinbáŋku 1 Davvi-Norgga Servodatloktema olis, ja prográmma čađahuvvo ovttasbarggus Sámi Grand Prixain.
Arctic Arts Agency & Management namas galgá fitnodat bargat báikkálaš taleanttaid ovddas dainna áigumušain ahte ovddidit riikkaidgaskasaš eksportta.
Alta Live 365 lea ideála searvi mii doaimmaha Alta Live-festivála, mii dál lea Finnmárkku stuorámus musihkkafestivála, man lávejit birrasiid 10 000 guossi galledit.